عوام تک رسائی کے لیے سوشیل میڈیا استعمال کریں:نائیڈو

نئی دہلی،29جولائی(ایجنسی)حکومت نے بڑے پیمانے پر لوگوں تک رسائی اور ملک کی ترقی میں انہیں شریک کار بنانے کے لئے اپنی میڈیا یونٹ کو ٹوئٹر اور فیس بک جیسے سوشل میڈیا کا بھرپور استعمال کرنے کے لئے کہا ہے ۔
اطلاعات و نشریات کے وزیروینکیا نائیڈو نے آج اپنی وزارت اور میڈیا



یونٹ کے افسران سے کہا کہ ٹکنالوجی کی ترقی نے ہمارے مواصلاتی ذرائع میں انقلاب پیدا کردیا ہے اور ہمیں موثر مواصلات اور ہمہ جہت ترقی کے لئے ٹوئیٹر اور فیس بک جیسے سوشل میڈیا پلیٹ فارموں کا پورا استعمال کرنے کی ضرورت ہے۔
انہوں نے کہا کہ ہندوستان کو ایک ترقی یافتہ ملک بنانے کا ہدف حاصل کرنے کے لئے مواصلات کی اہمیت کو سمجھنا ضروری ہے۔